Responsive Ads Here

Padilah sholat taraweh malem ka hiji sampe ka lima



PADILAH SHOLAT TARAWEH MALAM KA HIJI SAMPE KA LIMA

Sawarehna kagiatan berjamaah sholat taraweh, sok aya di hiji masjid ngajeulaskeun fadilah sholat taraweh dina tiap malemna, nu jadi pertanyaan naha satiap beres sholat taraweh eta disunnatkeun ngajeulaskeun fadilah sholat taraweh ? Jawabanna eta teu disunnatkeun. Da anu disunnatkeun mah dina tiap bulan Romadlon teh nyaeta disunnatkeun sholat taraweh, kabeneran dina sholat taraweh disunnatkeun berjamaah, bari pelaksanaanna dina ba’da isya

Ngan ti anatara penyemangat supaya jalma jalma ngalaksanakeun sholat taraweh maka sok dijeulaskeun fadilah sholat taraweh. Ayeuna urang bahas fadilah sholat taraweh menang nyandak tina kitab Durrotun Naashihiin halaman 18.

Dina kitab Durrotun Nashihiin ieu fadilah teh ka asup Tanbihul Ghoofiliin nyeta pangeling ngeling pikeun jalma anu paroho kabeh.
عن علي بن أبى طالب رضي الله عنه أنه قال سئل النبي عليه السلام عن فضائل التراويح فى شهر رمضان فقال
‘An ‘Alii bin abii thoolib rodiyalloohu ‘anhu, annahu qoola su ilan nabiyyu ‘alaihis salaam ‘an fadloo ilit taroowiihi fii syahri romadoona fa qoola
Hartosna : katampi ti sayyidina ‘Ali bin abi tholib (mugia ngaridloan Alloh ti sayyidina ‘Ali) , Sayyidina ‘Ali nyarioskeun kieu “ Nabi pernah ditaros tina kautamaan sholat taraweh dina bulan Romadlon, maka nabi nyarios.


  • Fadilah sholat taraweh malem ka hiji

يخرج المؤمن من ذنبه فى اول ليلة كيوم ولدته امه
Yukhrojul muminu min dzanbihi fii awwali lailatin kayaumi waladathu ummuhu.
Hartosna : Sing saha wae jalma mumin anu sholat taraweh dina malem ka hiji, maka eta jalma mumin bakal dikaluarkeun tegesna bakal dibersihkeun tina dosana, saperti bersihna hiji jalma waktu dilahirkeun kunu jadi indungna.


  • Fadilah sholat taraweh malem ka dua

وفي الليلة الثانية يغفر له ولابويه ان كانا مؤمنين
Wa fil lailatits tsaaniyati yugfaru lahuu wa liabawaihi in kaanaa mumuniina
Hartosna : Sing saha wae jalma mumin anu sholat taraweh dina malem ka dua na, maka Alloh bakal يناngahampura kaeta jalma mumin, sareng Alloh bakal ngahampura ka indung bapana, kitu soteh lamun nu jadi indung bapana anu mumin.


  • Fadilah sholat taraweh malem ka tilu

وفى اليلة الثالثة ينادى ملك من تحت الرش استانف العمل غفر الله ماتقدم من ذنبك

Wafil lailatits tsaalitsati yunaadii malakun min tahtal ‘arsyi istanifil ‘amala gofarolloohu maa taqoddama min dzanbika.
Hartosna : Sing saha wa jalma mumin anu sholat taraweh dina malem ka tilu, maka malaikat di ‘aras pada ngagaeroan tur ngajak supaya ngamimitian nyieun amal anu hade, maka bilamana ges nyieun amal anu hade maka Alloh bakal ngahampura tina dosa dosa na anu ges kaliwat

  • Fadilah sholat taraweh malem ka opat

وفى اليلة الرابعة له من الاجر مثل قرائة التوراة والانجيل والزبور والفرقان

Wa fillailatir roobi’ati lahuu minal ajri mitslu qirooatit taurooti wal injiili wazzabuuri walfuqooni.
Hartosna Sing saha wae jalma mumin anu sholat taraweh dina malem ka opatna, maka eta jalma menang ganjaran saperti ganjaranna maca kitab taurot, maca kitab injil, maca kita zabuur sareng maca kitab Al Quran.

  • Fadilah sholat taraweh malem ka lima

وفى اليلة الخامسة أعطاه الله تعالى مثل من صلى فى المسجد الحرام ومسجد المدينة والمسجد الاقصى
Wa fill lailatil khoomisati a’thoohulloohu ta’aala mitsla man sholla fil masjadil haroomi wamasjadi madiinati wal masjadil aqshoo
Hartosna : sing saha wae jalma mumin anu sholat taraweh dina malem ka lima, maka Alloh bakal mere ganjaran saperti ganjaranna jalma anu sholat di masjidil harom mekkah, sholat di masjid nabawi madinah sareng masjid al aqsho palestina.






No comments:

Post a Comment